![Велешки БРАКО со позитивно работење во првите 3 квартали на 2022 година](https://i0.wp.com/netpress.com.mk/wp-content/uploads/2022/11/Veleshki-BRAKO-so-pozitivno-rabote-e-vo-prvite-3-kvartali-na-2022-godina.jpg?resize=696%2C583&ssl=1)
Велешки БРАКО во првите три квартали од 2022 година продолжува да бележи позитивни резултати во работењето, и покрај сите предизвици со кои се соочува стопанството.
БРАКО бележи пораст на приходите од 15,65 % во периодот јануари-септември во 2022 година во споредба со истиот период лани.
Главен носител на овој пораст е значителното зголемување на извозот од дури 46%. Зголемениот извоз и производство повлекоа и зголемување на бројот на вработувањата во компанијата.
БРАКО произведува електрични и водородни возила за одржување на хигиена во урбани услови, жичани производи, опрема за здравствени установи и метални делови и компоненти кои се користат во автомобилската, градежната, енергетската и другите индустрии.
Производите на БРАКО се продаваат во над 40 земји од светот, а успешното работење и во 2022 година е резултат на храбрите одлуки на менаџментот да се инвестира во модернизирање и изградба на производствените хали, набавка на нови модерни технологии, внесување на иновации во производството и изградба на сопствени енергетски капацитети.