Британската полиција соопшти дека вчера уапсила четири лица кои влегле во имотот на премиерот Риши Сунак на северот на Англија. Инцидентот се случил за време на изборната кампања за парламентарните избори закажани за 4 јули.
„Во текот на денот уапсивме четири лица кои влегле на имотот на премиерот во неговата изборна единица (Северен Јоркшир)“, се вели во соопштението на локалната полиција.
Полицијата брзо реагирала, веднаш штом лицата влегле на имотот на Сунак. Приведени се луѓе на возраст од 20 до 52 години од различни градови во државата, кои „се уште се во притвор, а истрагата е во тек“, прецизира полицијата.
