Британската економија речиси стагнирала во четвртиот квартал од 2024 година, со умерен раст во градежниот сектор и значителен пад во индустријата, објави во четвртокот бирото за национална статистика.
Во периодот од октомври до декември, британскиот брурто домашен производ (БДП) порасна за само 0,1 отсто во однос на претходните три месеца, кога се задржа на нивото од пролетниот квартал.
Во првата половина од минатата година, економската активност пораснала умерено, со раст од 0,7 отсто во првите три месеца, што означува излез од благата рецесија во 2023 година.
На годишна основа, БДП-то се зголемило за 1,1 отсто во четвртиот лански квартал. Во целата 2024 година, БДП-то пораснал за 0,9 отсто, околу двојно посилно од 2023 година. Но кога од пресметката ќе се одземе зголемувањето на населението, активноста стагнирала.
Благиот раст на самиот крај од годината ги одразува добрите резултати од услужниот сектор, пред сѐ кај трговците на големо, филмските дистрибутери, пабовите и кафеаните, но и производителите на машини и лекови, велат од ONS.
Во периодот од октомври до декември активноста најмногу пораснала во градежниот сектор, за 0,8 отсто во однос на претходните три месеци. Благ раст бележи и услужниот сектор, од 0,2 отсто.
Индустриската активност е намалена за 0,8 отсто во однос на летниот квартал.
Поддршка за растот била и државната потрошувачка, додека расходите на домаќинствата се задржаа на нивото од претходните три месеца.
Растот беше притиснат од повисоките цени на енергијата и послабата побарувачка во Европа, а во наредните месеци глобалната трговија може да биде попречена од царините воведени од американскиот претседател Доналд Трамп.
