Британскиот принц Хари ќе добие отштета од околу 180.700 долари, откако Високиот суд во Лондон во петокот пресуди дека тој бил жртва на „ограничено“ хакирање на телефони и други незаконски прибирање информации од новинарите на британските весници.
Принцот, кој стана првиот висок член на британското кралско семејство кој во последните 130 години дал исказ на сид кога се појавил како главен сведок во јуни годинава, ја тужеше издавачката куќа „Mirror Group Newspapers“, кој ги издава весниците Daily Mirror, Sunday Mirror и Sunday People.
Хари и околу 100 други тужители, меѓу кои актери, спортски ѕвезди, познати личности и луѓе кои едноставно имале врски со истакнати луѓе – тужат поради наводите за хакирање телефони и незаконско собирање информации меѓу 1991 и 2011 година.
Хари изјави дека бил цел на „Mirror Group Newspapers“ 15 години, почнувајќи од 1996 година, и дека повеќе од 140 стории што се појавиле во нејзините весници биле резултат на нелегално собирање информации, иако на судењето се разгледувале само 33 од нив.
„Открив дека 15 од 33-те текстови кои беа предмет на судењето се производ на хакирање на неговиот мобилен телефон или мобилни телефони на неговите соработници или производ на друго незаконско собирање информации. Сметам дека неговиот телефон бил хакиран само во ограничен обем и дека веројатно бил внимателно контролиран од одредени луѓе на сите весници“, наведе судијата Тимоти Фанкур.
Судијата заклучил дека имало широко распространето хакирање и незаконски активности на весниците за кои биле запознаени високите директори, иако речиси сите од одборот на компанијата не биле информирани. Од „Mirror Group Newspapers“, во сопственост на компанијата „Reach“, тврдеа дека наводите не се поткрепени со докази.
„Ја поздравуваме денешната пресуда која ѝ ја дава на компанијата потребната јасност за отстапување од настаните коишто се случиле пред многу години. Онаму каде што се случи историска неправда, ние безрезервно се извинуваме, преземаме целосна одговорност и плаќаме соодветна отштета“, изјави портпаролот на „Mirror Group Newspapers“.
