Бројот на умрени од коронаваирусот во САД денеска ја надмина бројката од 70.000 лица.
Според податоците објавени на веб-страницата „Worldometers“, во САД од Ковид -19 умреле 71.148 лица.
Речиси 1,2 милиони лица во САД се позитивни за вирусот, што е повеќе отколку вкупната бројка во Шпанија, Италија, Велика Британија, Франција и Германија.
Според Универзитетот во Вашингтон, проценетата бројка на смртни случаи до 4 август сега е двојно зголемена и ќе изнесува на 134.000, пренесуваат британските медиуми.
Епидемијата на коронавирусот во САД е посмртоносна од кој било сезонски грип од 1967 година, кога починаа околу 100.000 лица.
Бројот на умрени од Ковид-19, мисто така, е поголем од бројот на американски жртви за време на војната во Виетнам, во која животот го загубија 58.220 Американци.
