Шпанската фудбалска репрезентација се пласираше во финалето на Европското првенство во Германија, откако на првиот полуфинален тест во Минхен во вторникот вечерта ја совлада Франција со 2:1 (2:1).
„Триколорите“ поведоа во веќе деветтата минута со голот на Рандал Коло Муани, но „Фуријата“ до крајот на полувремето го сврте резултатот со головите на Ламине Јамал во 21. и Дани Олмо во 25. минута. До крајот, и покрај големиот интензитет на играта, немаше повеќе голови.
Во второто полуфинале во среда во Дортмунд се среќаваат Холандија и Англија.
Дуелот на „тешкашите“ во Минхен ѝ припадна на Шпанија, која со двата феноменални потези на Јамал и Олмо отиде во финалето. Франција го одигра својот најдобар натпревар на ЕУРО, но тоа не ѝ помогна против, особено во второто полувреме, цврстите во одбрана Шпанци.
Тоа ќе биде петто финале за Шпанија, досега трипати победија (1964, 2008, 2012), додека во 1984 година загубија токму од Франција.
Натпреварот започна ветувачки бидејќи ниту една екипа не влезе претпазливо и пресметливо во натпреварот. Веќе во петтата минута Ламине Јамал ја сврти топката во шеснаесетникот, а на втората статива целосно сам беше Фабијан Руиз, но чиј удар со глава мина над пречката.
Французите во овој натпревар влегоа како единствена екипа чии играчи не постигнаа гол, но не примија гол од поле, а тоа се промени за само 21 минута игра. Во 9. минута топката дојде до Килијан Мбапе, кој во шеснаесетникот со милиметарска прецизност ја пронајде главата на Коло Муани, кој лесно погоди покрај збунетата шпанска одбрана.
Дванаесет минути подоцна Јамал постигна прекрасен гол за израмнување. Ја прими топката на 25 метри од голот и покрај Рабио упати ѓут кон десниот агол од голот на Мењан, а топката се одби од стативата и заврши во мрежата за еден од најубавите голови на првенството. Младиот 16-годишен шпански напаѓач Ламине Јамал, така, стана најмладиот стрелец во историјата на европските фудбалски првенства со само 16 години и 362 дена.
Во 25. минута уште еден шпански играч изведе мајсторија за гол. Дани Олмо направи две движења без топката да го допре тревникот, го „изврти“ Чуамени и од десетина метри упати разорен удар дијагонално кој дефанзивецот Жил Кунде во обидот да спречи погодок само успеа да ја внесе топката во сопствената мрежа. УЕФА прво го регистриаше погодокот како автогол, но подоцна Олмо сосема заслужено беше впишан како стрелец за неговиот трет гол на ова ЕУРО.
Французите порешително влегоа во продолжението, а обидите на Орелиен Чоамени со глава и Мбапе со нога завршија во гардот на Унаи Симон. Франција без резултат го опседнуваше голот на Шпанците, а дури во 76. минута шанса имаше Тео Ернандез, но од 16 метри ја испрати топката над голот.
Во последните 15 минути во игра влегоа Антоан Гризман, Оливие Жиру и Бредли Баркола за целосна француска офанзива кон голот на Симон. Во 85. минута Мбапе конечно ја дочека својата карактеристична акција, но неговиот удар по соло продорот отиде далеку над голот во последната шанса на мечот.
