Бугарија може да го воведе еврото најрано во јануари 2023 година, според извештајот на агенцијата за рејтинг „Фич“. Таа потсетува дека земјата има позитивен рејтинг на БББ и официјално го започнала процесот на влез во ЕПМ II, познат како сала за чекање на Еврозоната, во јули 2018 година. Се очекува одлуката за пристапување кон еврото да се случи на крајот на 2019 година.
Според агенцијата, Бугарија би можела да се приклучи на еврозоната во почетокот на 2023 година доколку успешно ги исполни критериумите на ЕПМ II, а потоа и на пошироките критериуми за конвергенција.
Хрватска се очекува да го прифати еврото во јануари 2024 година, доколку ги исполни овие услови. Земјата се пријави да се приклучи на „чекалната за еврозоната“ на почетокот на јули 2019 година.
Романија изрази интерес за пристапување во ЕРМ II, но нема официјален распоред. Изгледите за усвојување на еврото во Унгарија, Полска и Чешка во блиска иднина останува долг пат, поради послабата политичка волја и, во некои случаи, многу ниската јавна поддршка за членство во еврозоната.
Според „Фич“, главните придобивки од усвојувањето на еврото се: пристап до статус на резервна валута, што ќе ја поддржи странската побарувачка за домашни финансиски средства, пристап до кредибилна рамка за монетарна политика на Европската централна банка, ликвидност на банка, ниски трошоци за трансакција и зголемена трговија и капитални текови со остатокот од еврозоната, како и опции за дополнително надворешно финансирање за некои земји.
Основната цена на усвојување на еврото вклучува губење на флексибилноста на монетарната и валутната политика, заштита од макро финансиски ризици кои произлегуваат од прекумерниот прилив на капитал, заштита од сериозни дефлациони притисоци и слично.
Најголема придобивка од усвојувањето на еврото, соред „Фич“ ќе имаат земјите со слаби надворешни финансии, кои би можеле да имаат корист од статусот на резервна валута, земји со високи нивоа на заеми во евра и земји со фиксен курс, бидејќи нивната загуба на независната монетарна политика ќе биде минимална.