Големо изненадување приредија фудбалерите на Аугсбург, кои во седмото коло во германското првенство кои со 1: го совладаат Баерн од Минхен, и на баварците им го нанесоа првиот пораз сезонава.
Баерн Минхен, кој е десеткратен со ред бранител на титулата германски првак, загуби во Баварското дерби и ја закомплицира ситуацијата на табелата, иако се почетокот на првенството. Баерн по седум кола има само 12 бодови од можните 21, а поразот следеше по трите последователни ремија против Борусија Менхенгладбах (1:1), Унион Берлин (1:1) и Штургарт (2:2).
Избраниците на тренерот Јулијан Нагелсман, кој настапуваат одлични во Лигата на шампионите со победите на гости во Милано кај Интер со 2:0 и идентичната победа дома против Барселона, во Бундеслигата играат многу послабо. Во Аугсбург ги дотолчи погодокот на Мергим Бериша во 61 минута.
Баерн, така, остана на 87 последователни првенствени натпревари со барем еден постигнат погодок. На табелата моментално е четврти со 12 бодови, а Аугсбург моментално се качи на 11-то место, сега со девет бодови.
Јусуф Мукоко со силен удар со глава во 79 минута ѝ донесе на Борусија Дортмунд победа од 1:0 во Рурското дерби против Шалке 04 и ги однесе домашните на врвот на Бундеслигата. Но домашните доживеаја лош момент, кога нивниот капитен Марко Ројс од теренот беше изнесен од теренот на носилка по сериозна повреда на глуждот.
Борусија од Дортмунд во моментов е прва со 15 бодови, а за бод односно два заостануваат Унион Берлин односно Фрајбург кои имаат меч помалку. Шалке 04 со шест бодови моментално е на 14-та позиција.
Ајнтрахт од Франкфурт на гости со 3:1 го совлада Штутгарт. Стрелци за гостите беа Себастијан Роде во 6, Даичи Камада во 55 и Кристијан Јакиќ во 88 минута, додека Тиаго Томас погоди за домашните во 79 минута. Ајнтрахт е шести на табелата со 11 бодови, а Штутгарт е 16-ти со пет бодови.
Баер и Вердер ремизираа во Леверкузен со 1:1. „Фармацевтите“ поведоа преку Карем Дмирбеј во 57 минута, а Милош Вељковиќ во 82 минута израмни за Вердер, кој моментално е 10-ти со девет бодови. Баер, пак, сезонава има остварено само една победа и е 15-ти со пет бодови, а по завршувањето на колото може да падне во зоната на испаѓање.
Во недела на распоредот се дуелите Борусија Менхенгладбах – РБ Лајпциг, Унион Берлин – Волфсбург, Бохум – Келн и Хофенхајм – Фрајбург.
