Цените на нафтата се стабилизираа во понеделникот на меѓународните пазари близу нивото од 87 долари, имајќи предвид очекувањата за намалувањето на снабдувањето од Русија ги засени стравувањата од рецесијата поради кревањето на клучните каматни стапки во земјите големи потрошувачи.
На лондонскиот пазар цената на барелот во раното попладневно тргување беше повисока за 72 цените отколку на затворањето на тргувањето во петокот, и изнесуваше 86,87 долари. Накусо се спушти дури и до 84,51 долари, најниското ниво од средината на јануари.
На американскиот пазар со барелот се тргуваше по 86 центи повисока цена отколку на затворањето на тргувањето на крахот од минатата седмица, од 79,60 долари, а накусо се спушти на 77,21 долари, најниското ниво од 6-ти јануари.
Во одвоен извештај, Организацијата на земјите извознички на нафта (OPEC) денеска објави дека барелот од кошницата референтна нафта на нејзините членки во потокот поевтинил за 2,84 долари, на 92,67 долари.
Почетокот на тргувањето го одбележа стравот дека зголемувањето на каматните стапки во многу големи потрошувачи на нафтата, вклучително САД и еврозоната, ќе предизвика рецесија и ќе ја намали побарувчката на енергенсот.
„Сѐ повеќе централни банки се принудени да преземаат вонредни мерки, без оглед на цената којашто стопанството ќе мора да ја плати, па ќе страда побарувачката, што би можело да го урамнотежи пазарот на нафтата“, појаснува за Reuters Крег Ирлам од „Oanda“.
Поддршката на цените ја даде и силниот долар, чиј индекс во понеделникот се искачи на новото највисоко ниво во последните 20 години, најавувајќи ја послабата куповна моќ на купувачите кои работа со другите валути. Влијанието на силната американска валута врз цените на нафтата е најизразено по повеќе од една година, според податоците на Refinitiv Eikon.
Попладнето цените се стабилизираа, бидејќи повторно во прв план избувнаа нарушувањата на пазарот на нафта кои ги предизвикуваат руско-украинската војна и западните санкции за Русија поради тоа. Во Европската унија наскоро на сила ќе стапи ембаргото на руската нафта којашто се испорачува со бродови.
Во фокусот се и големите произведувачи, кои следната седмица ќе разговараат за производната политика. На септемврискиот состанок на OPEC и нејзините сојузници големи независни произведувачи предводени од Русија од ткн група OPEC+ одлучија благо да го намалат производството, а повторно ќе се сретнат на 5-ти октомври. OPEC+ во моментов произведува значително помалку нафта отколку што зацрта, за дури 3,58 милиони барели дневно помалку во август, според податоците објавени минатата седмица.
