Цените на нафтата се стабилизираа на нивот над 84 долари за барел на меѓународните пазари во средата, поддржани од индициите за силна побарувачка во САД и проценките дека водечките производители ќе ја намалат понудата во втората половина од годината.
На лондонскиот пазар цената на барелот попладнето беше речиси непроменета во однос на вчерашното затворање на тргувањето и изнесуваше 84,41 долар. Вчера ја затвори трговијата со добивка од 1,12 долари.
На американскиот пазар со барелот денеска се тргува по 34 центи повисока цена, по 80,17 долари. Вчера го затвори тргувањето во плус од 2,11 долари.
Засебно, Организацијата на заемјите извозничкина нафта (OPEC) објави во средата дека барелот од нафтената референтна кошница на нејзините членки во вторникот поскапел за 1,47 долари на 84 долари.
Пазарите вчера беа поддржани од сигналите за силна побарувачка во САД на почетокот на летната сезона на патувања и проценките дека OPEC и нејзините сојузници независни големи извозници предводени до Русија ќе продолжат да ја намалуваат понудата во втората половина од годината.
Побарувачката за бензин минатата седмуца достигна највисоко ниво од ноември, покажуваат податоците на Министерството за енергетика, а бројот на седишта на летовите во САД е зголемен за пет отсто во мај во споредба со претходниот месец и за речиси шест отсто во споредба со до мај 2023. надминувајќи го нивото од 2019 година, покажуваат податоците на аналитичката компанија OAG.
Проширениот нафтен картел позна и како OPEC+ ќе се состане точно во недела за повторно да го разгледа производството. Тие во моментов ја намалуваат понудата за 2,2 милиони барели дневно, според договорот што истекува на крајот на јуни.
„Во моментов не гледаме никакви индикации дека се подготвуваат да пуштат повеќе барели на пазарот и на тој начин да понудат поттик за паѓање на цените“, посочува Хелима Крофт од „RBC Capital“.
Трговците чекаат и податоци за залихите во САД. Здружението API ќе ги објави подоцна во текот на денот, а владата во четврток со ден доцнење поради празник на почетокот од седмицата. Аналитичарите проценуваат дека залихите на сурова нафта паднале за околу 1,9 милиони барели минатата недела, покажа анкетата на Ројтерс во вторникот.
Знаците за силна побарувачка и проценките за континуирано стеснување на понудата ги отфрлија стравувањата дека централната банка на САД може да го одложи долгоочекуваното намалување на трошоците за задолжување доколку инфлацијата не се намали. Високите трошоци за задолжување на подолг период ја кочат економската активност и побарувачката за енергетски производи.
