Цените на нафтата се задржаа над нивото од 87 долари на меѓународните пазари во петокот поради знаците за силна американска побарувачка на почетокот на летната сезона на патувања и податоците кои сигнализираат намалена понуда од Русија.
На лондонскиот пазар цената на барелот во попладневното тргување беше речиси непроменета во однос на вчерашното затворање на тргувањето и изнесуваше 87,51 долар. Позначителни промени немаше ниту на американскиот пазар каде со барелот се тргува по 83,98 долари.
Одделно, Организацијата на земјите извознички на нафта (OPEC) објави дека во четвртокот барелот од референтната нафтена кошница на нејзините членки поскапил за 45 центи на 87,51 долари.
Пазарите оваа седмица внимателно ги следеа податоците коишто го „опипуваат пулсот“ на побарувачката на почетокот на летната сезона на масовни патувања во САД. Министерството за енергетика соопшти дека залихите на сурова нафта минатата седмица се намалени за дури 12,2 милиони барели, а намалени се и залихите на бензини за 2,2 милиони барели.
Во исто време, трговците шпекулираат кога американската централна банка би можела да ги намали клучните каматни стапки, а шпекулациите се движат од септември до декември.
Повеќето барања за надомест за невработеност минатата седмица навестија послаба побарувачка на работна сила, што би значело дека Fed сè уште би можел да се одлучи за намалувањето на каматните стапки за септември за да ја зајакне нестабилната економија. Посилната економска активност би ја зголемила побарувачката на енергетски производи.
Снабдувањето, од друга страна, се намалува, се наведува во извештајот на Reuters дека руските производители „Роснефт“ и „Лукоил“ се подготвуваат значително да го намалат извозот од пристаништето Новоросијск на Црното Море. Околу 220.000 барели нафта дневно помалку отколку во јуни треба да се натоварат во Новоросијск во јули, според пресметките на Reuters врз основа на пазарните податоци.
„Ова би ја потврдило прогнозата за дефицит на понудата во третиот квартал, иако само иднината ќе покаже дали планот ќе се реализира бидејќи Русија досега беше слаба во исполнувањето на производните квоти“, вели Ешли Келти од „Panmurа Liberum“.
Руското производство на бензини се очекува да се зголеми за 15.000 до 20.000 метрички тони во последните десет дена од јули, бидејќи двете рафинерии ќе ја рестартираат преработката, соопшти во петокот Министерството за енергетика.
Саудиската државна компанија „Saudi Aramco“, пак, ги намали цените на својата главна арапска лесна марка на купувачите во Азија за испораките во август и сега планира да ја продава за само 1,80 долари повеќе од просекот во Оман/Дубаи, што го нагласува притисокот од независната конкуренција врз производителите во составот на OPEC.
