Цените на нафтата падна кон нивото од 82 долари на меѓународните пазари во вторникот, бидејќи загриженоста за економскиот раст на Кина и неизвесното темпо на намалување на каматните стапки во САД ја ставија во втор план одлуката на главните производители да ја намалат понудата до крајот на јуни.
На лондонскиот пазар цената на барелот попладнево е пониска за 45 центи во однос на затворањето на претходниот трговски ден и изнесуваше 82,34 долари. Речиси за исто толку барелот поевтини на американскиот пазар каде се тргуваше за 78,30 долари.
Одделно, Организацијата на земјите извознички на нафта (OPEC) објави дека барел од референтната нафтена кошница на нејзините членки во понеделникот се зголемил за 73 центи на 83,38 долари за барел.
Трговците во вторникот се фокусираа на плановите на Кина за економски раст оваа година. Пекинг таргетираше стапка на раст од околу пет проценти, исто како и во 2023 година, а инвеститорите залудно бараа обемни програми за стимулирање.
Расположението беше пригушено од сигналите од американската централна банка дека нема да брзаат со намалување на каматните стапки, со оглед на „бумот“ на економијата и пазарот на трудот, според шефот на филијалата на Fed во Атланта, Рафаел Бостик.
„Главната пречка за долгорочниот раст и цената од 90 долари е неизвесноста околу намалувањето на каматните стапки“ во САД, објаснува Тамаш Варга од PVM, нагласувајќи ја и загриженоста за целната стапка на раст на кинеската економија.
Загриженоста за побарувачката во САД и Кина ја засени најавата на OPEC и неговите сојузници големи независни извозници предводени од Русија познати како OPEC+ дека ќе ја намалат понудата за 2,2 милиони барели дневно и во вториот квартал. Сегашниот договор истекува на крајот на март.
Аналитичарите проценуваат дека најновите извештаи од САД ќе покажат зголемување на залихите на сурова нафта минатата седмица за околу 2,6 милиони барели. Залихите на бензини и дестилати се намалени според нивните пресметки. Здружението на производители на API ќе објави извештај во текот на денот, а владата утре.
