Цените на нафтата се искачија над 79 долари на меѓународните пазари во понеделникот, како одраз на нервозата на трговците по сигналите дека Израел може да ја нападне нафтената инфраструктура на Иран.
На лондонскиот пазар цената на барелот попладнето беше повисока за 1,09 долари во однос на затворањето на тргувањето на крајот на минатата седмица и изнесуваше 79,14 долари. На американскиот пазар со барелот се тргуваше за 1,15 долари поскапо, по 75,53 долари.
Одделно, Организацијата на земјите извознички на нафта (OPEC) објави дека цената на барел од референтната кошничка нафта на нејзините членки во петокот пораснала за 2,76 долари на 77,66 долари.
Трговците внимателно ја следат ситуацијата на Блискиот исток. Израел најави одговор на иранскиот балистички ракетен напад врз воени цели во Израел. Техеран, пак, со проектили одговори на израелскиот напад врз либанската престолнина Бејрут, во кој загинаа стотици луѓе, меѓу кои и група политички и воени претставници на либанскиот Хезболах и офицери на Иранската револуционерна гарда, како и јулската ликвидација на политичкиот лидер на палестински Хамас додекапрестојуваше во Техеран.
Оттука, одговорот на Иран е завршен, се вели во пораката од Техеран, доколку следните потези на Израел не бараат реакција. Тел Авив не ги објави последиците но најави дека ќе се одмазди со удар врз иранските нукеларни постројки, додека неговиот најголем и највилијателен сојузник Вашингтон нагласи дека ќе го брани Израел но сугерира дека нападите ќе бидат насочени на иранската нафтена инфраструктура.
Американскиот претседател Џо Бајден на крајот од минатата седмица директно изјави дека цел на најавениот израелски напад врз Иран може да бидат и нафтени постројки. Неколку часа подоцна, Бајден се обиде да ја примири тензијата, велејќи дека доколку бил на местото од Израел, би разгледвал алтернативи.
„Израелците сè уште не донеле одлука“, им рече Бајден на новинарите на брифингот во Белата куќа во петокот. „Да бев на нивно место, би разгледал алтернативи за напад на нафтените полиња“, додаде американскиот претседател.
Израел би можел да ги нападне иранските рафинерии или главниот извозен терминал на островот Харг за да го лиши Техеран од приходите од извозот на деривати, шпекулираат аналитичарите на JPM.
Во понеделникот, аналитичарите заклучија дека Тел Авив веројатно нема директно да ја нападне нафтената инфраструктура на Иран.
„Сметаме дека е најмалку веројатно дека, меѓу опциите, Израел ќе се одлучи за директен напад врз иранските нафтени постројки“, соопшти ANZ.
Тие истовремено забележуваат дека Организацијата на земјите извознички на нафта (OPEC) има резервни капацитети од седум милиони барели дневно, што сугерира дека групаcijata би можела да ја „покрие“ евентуалната загуба на иранските барели.
Иран е членка на OPEC и произведува околу 3,2 милиони барели дневно, што одговара на околу три отсто од глобалното производство.
Во меѓувреме, Израел продолжи со нападите врз Либан, а либанскиот Хезболах одговори во понеделникот со ракетни напади врз израелското пристаниште Хаифа.
