Челниците на групата седум водечки економии (Г7) во неделата одлучија да ја подобрат безбедноста и отпорноста на подводните мрежни кабли, со оглед на минатогодишните оштетувања на гасоводот Северен тек, веројатно стравувајќи од руска одмазда за уништувањето на нејзината клучна трговска енергетска инфраструктура.
„Посветени сме на продлабочување на нашата соработка во рамките на Г7 за поддршка и подобрување на отпорноста на мрежата преку мерки како што се проширување на безбедните подводните кабелски рути“, се вели во одлуката.
Лидерите на Г7 се состанаа на самит за дигитална и технологија во јапонскиот град Такасаки. Во моментов со групата претседава Јапонија, а во неа се и Германија, Франција, Велика Британија, Италија, Канада и САД.
Г7 рече дека мора да се воспостават „повеќеслојни мрежи што се состојат од копнени мрежи, подводни кабелски мрежи и некопнени мрежи“ за да се обезбеди подобра отпорност на дигиталната инфраструктура.
Обезбедувањето „интероперабилност“ меѓу различните комуникациски врски е исто така важно во итен случај, велат лидерите.
Земјите на тој начин ја потврдија својата посветеност на блиска соработка во решавањето на дигиталните прашања, особено во полето на вештачката интелигенција којашто брзо се развива.
Лидерите истакнаа дека имплементацијата на вештачката интелигенција треба да биде „заснована на човековите права и демократските вредности“. Иако генеративната вештачка интелигенција, како што е ChatGPT, како што тврдат „може да биде револуционерна за еколошките политики или медицината“, таа мора да биде регулирана, според земјите од Г7.
