Актуелниот европски фудбалски првак Челзи го задржа врвот на англиската Премиер лига, откако во последниот дуел од саботната програма на осмото коло со 1:0 славеше на гостувањето кај Брентфорд.
Победничкиот погодок во 45 минута го постигна бекот на англиската репрезентација Бен Чилвел кому ова му е втор погодок сезонава, откако беше стрелец и во победата од 3:1 против Саутемптон пред репрезентативната пауза.
Но за победата заслужен е и голамнот на Челзи, Едуард Мендиу кој имаше неколку одлични интервенци, особено во финишто на дуелот. Брентфорд имаше 17 шутеви кон противничкиот гол од кои седум одеа во рамките, но остана без гол. Челзи, пак, со пет удари од кои еден одеше во рамките на голот и заврши во мрежата, ги освои сите три бода.
Челзи со 19 бодови е повторно водечки на табелата со бод односно два повеќе од Ливерпул и Манчестер Сити. Брентфор, кој годинава се по децении се врати во најсилното лигашко натпреварување во Англија, сѐ уште е високопласиран седми со 12 бодови.
Претходно Лестер Сити на својот стадион „Кинг Пауер“ го совлада Манчестер Јунајтед со 4:2, а четири од шесте погодоци паднаа во интервал од 13 минути во завршницата на дуелот.
Мејсон Гринвуд постигна убав погодок со удар откоско од 15-ина метри, во 19 минута и ги доведе во водство „Црвените ѓаволи“, но во 31 минута Лестер израмни со луцидниот погодок на Јури Тиелманс што беше и резултатот со кој се замина на полувремето, во кое одлична шанса не реализираше Кристијано Роналдо кој од десетина метри имаше отворен шут но го погоди домашниот голман.
До 78 минута мрежите мируваа, а потоа проработија стрелците откако турскиот бек на домашните Чаглар Сојунчи. Само четири минути подоцна ново израмнување донесе Маркус Рашфорд, но Лестер веќе во следниот напад во 83 минута дојде во ново водство преку својот прв стрелец Џејми Варди, а откако Јунајтед во остатокот не успеа да погоди од неколкуте полушанси, во првата минута од судиското продолжение конечниот резултат го постави Патсон Дака.
Мачестер Јунајтед моментално е петтопласиран со 14 бодови, а Лестер Сити дојде до 11 бодови со кои е на 11-то место.
Манчестер Сити на својот стадион рутински со 2:0 го совлада Барнли. Бернардо Силва во 12 минута го постигна водечкиот погодок, а Кевин Де Брујне во 70 минута го удвои водството и всушност го постави конечниот резултат.
Со победата Манчестер Сити сега има 17 бодови со кои е на третата позиција, додека остана на само три бода на претпоследното 19-то место.
Италијанскиот требер Клаудио Раниери нема по добро да го памети своето вреќање во англиската Премиер лига, бидејќи во саботниот дуел неговиот Вотфорд беше торпедиран на свој терен со 0:5 од Ливерпул.
Особено инспириран беше Роберто Фирмињо кој постигна хет-трик со погодоците во 37, 52 и 91 минута и му асистираше и на Мохамед Салах за голот во 54 минута, а Ливерпул поведе веќе во 9 минута, кога Салах го проигра Садио Мане кој ја погоди противничката мрежа од работ на шеснаесетникот и ова беше неговиот 100-ти погодок во Премиер лигата.
Ливерпул неколку часови беше на челната позиција со 18 бодови, а Вотфорд со седум бодови е на 16-то место, две позиции над опасната зона.
Голем пресврт во Бирмингем направија фудбалерите на Вулверхемптон, кој до 80 минута имаше два гола заостанување но на крајот ги однесоа трите бода од „Вила Парк“. Астон Вила поведе со головите на Дени Ингс во 48 и Џон Мекгин во 69 минута, но тоа не ѝ беше доволно за победа па ниту за бод. Мароканецот Ромен Сес во 80 минута го намали дефицитот на гостите, а нивниот капитен Конор Коеди во 86 минута донесе израмнување. Во последните моменти од наптреварот, во шестата минута од судиското продолжение Португалецот Рубен Бевес погоди за целосен пресврт.
Вулверхемптон барем до завршување на колото ќе остане на 8-то место со 12 бодови, а Астон Вила со 10 бодови моментално е 12-та.
Саумтемптон дома со голот на Армандо Броха во 53 минута го победи Лидс Јунајтед, доаѓајќи на 15-то место со седум бодови. Лидс остана на шест бодови е на 17-то место.
Без голови заврши дуелот меѓу Норич Сити кој го освои само вториот бод сезонава и остана последен 20-ти, и Брајтон кој со бодот се задржа моментално на високото четврто место со 15 бодови.
Во недела на распоредот се играат дуелите Евертон – Вест Хем и Њукасл – Тотенхем, а колото во понеделник ќе го заокружи натпреварот меѓу Арсенал и Кристал Палас.
