Илјадници Чеси излегоа на улиците на Прага на антивладини демонстрации во саботата. Демонстрантите го осудија падот на животниот стандард и зголемувањето на цените, но и континуираната воена поддршка на Украина од нивната влада.
Организиран од десничарската партија Закон, почит, експертиза (ПРО), на митингот демонстрантите вееја чешки знамиња и плакати барајќи оставка од владата на премиерот Петр Фиала. Актуелниот чешки кабинет беше критикуван за неговиот наводен неуспех да се справи со прашањата наметнати од зголемената инфлација.
Обраќајќи им се на толпата, водачот на ПРО, Јиндрих Рајхл, вети: „Ќе направиме сѐ што е во наша моќ за да се погрижиме националната катастрофа на оваа влада на Петр Фиала да заврши што е можно поскоро“.
Политичарот додаде дека земјата заслужува нова влада која „ќе ги стави интересите на граѓаните на Чешка на прво место“.
Други говорници на митингот вклучуваа најмалку еден службеник и еден пензиониран сенатор, како и адвокат и филмски режисер.
Завршувајќи го протестот, Рајчл предупреди дека доколку владата не се повлече до 10 април, ќе има нови демонстрации следниот месец, при што учесниците ќе ги блокираат владините згради.
Откако настанот во саботата заврши, група демонстранти маршираа кон Националниот музеј, каде скандираа да се отстрани украинското знаме од неговата фасада. Според портпаролот на полицијата, неколку десетици луѓе се обиделе насилно да влезат во зградата, што резултирало со пресметка со полицајците. Локалните медиуми јавија дека се уапсени 18, додека двајца полицајци се повредени.
Чешкиот министер за внатрешни работи Вит Ракусан го осуди однесувањето на демонстрантите.
