Англискиот четвртолигаш Њупорт Каунти ќе биде најниско рангираната екиша во осминафиналето од англискиот ФА Куп, откако во повторениот натпревар од четвтото коло на свој терен го совлада Мидлсборо со 2:0.
Екупата од јужниот дел на Велс, којашто во третото коло направи големо изненадување елиминирајќи го премиерлигашот Лестер Сити, продолжи да ги турка фаворитите и по 1:1 во првиот меч ги исфрли од купот и второлигашот Мидлсборо. Стрелци за најголемиот успех во историјата на купот беа Вилмот во 47 и Амонд во 67 минута, па во Њупорт на 16-ти февруари ќе гостува големиот Манчестер Сити во меќ за пласман во четвртфиналето од ФА Купот.
Покрај Њупорт Каунти, во осминафиналето се пласираа и другите тројца домаќини во повторените натпревари. Второлигашот Брентфорд со 3:1 го надигра петтолигашот Барнет, второлигашот Квинс Парк Ренџерс со 2:0 беше подобар од третолигашот Портсмут, а прволигашпт Вулверхемптон со 3:2 го победи третолигашот Шрусбери Таун.
Во среда за пласман во следното коло второлигашот Вест Бромвич Албион ќе се сретне дома со прволигашот Брајтон.
Двојки во осминафиналето на ФА Купот (15 – 18 февруари)
15.2. КПР (2) – Ватфорд (1)
16.2. Брајтон (1) / Вест Бромвич Албион (2) – Дерби Каунти (2)
16.2. Вимблдон (3) – Милвол (2)
16.2. Њупорт Каунти (4) – Манчестер Сити (1)
17.2. Бристол Сити (2) – Вулверхемптон (1)
17.2. Донкастер Роверс (3) – Кристал Палас (1)
17.2. Свонси Сити (2) – Брентфорд (2)
18.2. Челзи (1) – Манчестер Јунајтед (1)
