Денешниот рецепт за чоколадна торта не остава никого рамнодушен. Секој дел од истата се топи во уста, бидејќи претставува совршена комбинација од најфиното чоколадо споено со павлака.
Потребни состојки
200 гр чоколадо
200 гр кафеав шеќер
120 гр пченично брашно
160 мл зејтин
4 јајца
1 супена лажица пециво или сода бикарбона
120 гр ореви
100 гр темно чоколадо
100 мл павлака
Прстофат сол
Начин на подготовка:
Растопете го чоколадото на водена пареа. Додадете ги сомелените ореви, шеќерот и зејтинот и добро измешајте ги состојките. Едно по едно, додадете ги и јајцата и мешајте, до добивање на соединета смеса со лесна текстура. Додадете порција од пресееното брашно со пецивото и со шпатула, повторно добро измешајте ја смесата.
Исипете ја добиената смеса во сад, со премачкано дно. Печете на температура од 180°C, за 25-30 минути.
На крај, растопете го темното чоколадо на водена пареа и додадете ја и павлаката. Мешајте 1 минута.
Добиениот прелив нанесете го врз тортата, откако истата ќе ја извадите од рерна. Можете парчињата торта да ги сервирате со сладолед или било каков прилог, по ваша желба.
