Во Црна Гора се воведува полициски час од 21 часот до 5 часот утредента и се најавува забрана за меѓуградски сообраќај за време на викендите, објави денеска директорот на Институтот за јавно здравје, Игор Галиќ.
Според новите мерки на Министерството за здравство, угостителските објекти ќе бидат отворени до 18 часот.
Во Будва и Тиват, каде епидемиолошката состојба е посложена, се забрануваат јавни собири на отворено и на затворено, а угостителските објекти нема да работат, како и компаниите што продаваат непрехранбени производи.
Во овие општини, како што најави Галиќ, работата во образовните институции – градинки, училишта и факултети е прекината, а часовите преку Интернет се преместуваат.
Забранети се спортски настани, а како што рече Галиќ, мерките не се однесуваат на обука на спортисти кои редовно се тестираат.
– На граѓаните на Будва и Тиват им се препорачува да не ги напуштаат териториите на тие општини со цел да се спречи ширењето на епидемијата, рече директорот на ИЈЗ.
Министерката за здравство, Јелена Боровиниќ Бојовиќ, додаде дека најавените мерки ќе важат во наредните денови, со можност за продолжување.
Таа објави дека на угостителските објекти им се забранува да пуштаат музика, заедно со веќе важечката забрана за музика во живо, пренесува Танјуг.
