Црногорската обвинителка Андријана Настиќ во четвртокот потврди дека ден претходно во областа на градот Цетиње биле убиени 12 лица, од кои две се деца, а напаѓачот Ацо Мартиновиќ се самоубил.
Настиќ најави дека истрагата била водена на шест локации, од кои пет биле сцени на убиствата, а шестата на местото каде што осомничениот се самоубил.
„Уби по четири лица на две локации, две деца на третата, а по едно лице на преостанатите две“, рече Настиќ, додавајќи дека четири лица се тешко ранети.
Напаѓачот го започнал своето дивеење во ресторан во Цетиње.
„Извршен е увид на секоја локација и прибрани се докази“, рече обвинителката и додаде дека работата на обвинителството и полицијата за утврдување на околностите на настанот е во тек.
Подгоричкиот портал Борба објави дека се убиени пријателите и кумовите на Мартиновиќ.
Меѓу повредените има тројца мажи и една жена, соопштија лекарите од Клиничкиот центар на Црна Гора, чии животи сѐ уште се во животна опасност.
„Тие се оперирани синоќа и моментално се во фаза на будење и одвојување од апаратите за дишење. Состојбата на четвртиот пациент е исклучително критична“, изјави директорот на Клиничкиот центар на Црна Гора во Подгорица, Александар Радовиќ.
Црногорската влада од четврток прогласи тридневна национална жалост.
Ова е второ масовно злосторство во Цетиње во изминатите две ипол години. Градот и Црна Гора сѐ уште не закрепнаа од трагедијата што се случи на 12-ти август 2022 година во населбата Медовина, кога Вук Бориловиќ уби 10 луѓе, меѓу кои две братчиња.
