Швајцарското дабстеп дуо Dubexmachina Soundsystem в сабота ќе настапи во Капан Ан (Стара скопска чаршија).
Станува збор за артисти, кои го негуваат изворниот звук на жанрот, кој го преплави светот во последниве неколку години. Гајас и Њуком, попознати како Dubexmachina Soundsystem, веќе една деценија ги истражуваат длабочините на ниските фреквенции и магијата на пригушени звуци и хипнотички ритмови на бас музиката. Настапувале заедно со најголемите имиња на изворниот дабстеп: Mala, Kode9, Pinch, 2562, Scuba, Martyn, Shackleton, Kryptic Minds, Dj Chef, Caspa, Vivek…
Настапот на швајцарското дуо ќе биде збогатен домашните бас артисти „Аномалиа Натива“, а влезници можат да се купат на врата, по цена од 150 денари.
Претставувањето на Dubexmachina Soundsystem од Швајцарија е дел од циклусот гостувања “Три тејковери”, во чии рамки дефилираат шест диџеи, низ три жанра на електронската бас музика – драменбејс, џангл и дабстеп.