Српскиот министер за надворешни работи и вицепремиер, Ивица Дачиќ, изјави во понеделникот дека се бара решение за косовското прашање и дека корекцијата на границите е само една идеја, но дека засега нема други идеи.
Според шефот на српската дипломатија, вратата за дијалог е отворена, но нема да има дискусија за две работи: дека Косово ќе биде автономно во рамките на Србија и дека Србија го признава Косово како независна држава. Дачиќ притоа посочи дека доколку дијалогот не оди во таа насока, може да се очекува притисокот да продолжи да расте врз Србија за да го признае Косово.
„Овој притисок ќе се појави со забавување на патот кон ЕУ“, рече Дачиќ, додавајќи дека тоа, исто така, може да доведе до можноста некој во Косово да направи планови за „косовска Бура“, по што Србија можеби ќе треба да реагира на ова и да влезе во конфликт со КФОР, па потоа Белград да побара помош од Русија. Рече дека оние што се противат на корекцијата на границите треба да знаат дека „сеопфатно“ Косово е можно само како независна држава.
„Ние никогаш нема да го дадеме северот, нема дилема. Што друго можеме да направиме? Сите области со српско население да останат во Србија“, рече Дачиќ.
.
