Во вчерашна емисија „Заспиј ако можеш“, пратеникот од ВМРО-ДПМНЕ, Драган Ковачки, изрази став во однос на писмата на Али Ахмети и албанските политички претставници во Македонија до премиерот Христијан Мицкоски.
Ковачки ја појасни актуелната политичка динамика и покажа дека ВМРО-ДПМНЕ се позиционира како легитимна сила која ги застапува интерсите на сите граѓани на Македонија.
„Не доаѓа предвид Али Ахмети да биде тој кој ќе прави споредби и ќе биде лидер на Албанците. Тој не е веќе лидер на Албанците. Албанците имаат свои лидери и тие се во Владата на ВМРО-ДПМНЕ“, рече Ковачки.
Според него, актуелната структура на власта ги репрезентира Албанците.
„Во Владата седат лидери на Албанците, тие се репрезентите во моментот. Имаат претставници и во Парламентот. А, Али Ахмети, тој негов Европски фронт во моментот, се распаѓа“, кажа Ковачки.
Ковачки нагласи дека Ахмети не може да се претставува како единствена сила која ги обединува Албанците.
„Али Ахмети не е репрезент на сите Албанци. Тој се претставува дека ги обединува сите и зборува во нивно име. Видовме колку им мисли, видовме каде живее, во какви и хациенди, колку се грижи за нив, јасно им е на сите и затоа веќе тие не се дел од македонската власт“, изјави Ковачки.
Тој се осврна и на однесувањето ДУИ и нивниот повторен обид за манипулации и закани.
„Таа дописна агенција наречена ДУИ во моментов нема друга опција освен да се заканува и да објаснува дека тие немаат игра, тие цело време можат да играат на етничка карта“, истакна Ковачки.
Ковачки го потенцираше ставот на премиерот Христијан Мицкоски, кој ја исклучува дискусијата за етнички прашања.
„Премиерот Христијан Мицкоски, кажа дека етничките прашања нема да бидат дискутирани. Македонија треба да се развива, а ние веќе тргнавме напред, Ахмети повторно сака да не навраќа на некои работи кои се затворени“, рече Ковачки.
Дополнително укажа на недоследности во комуникацијата на Ахмети.
„На Али Ахмети не му се исти писмата до претседателот на ВМРО-ДПМНЕ и до странските амбасади. Тие се разликуваат во одредени сегменти, некаде има закани некаде нема. Ме интересира како може Али Ахмети да се заканува во оваа држава со дестабилизација и со пред воена состојба во земја членка на НАТО во услови кога имаме војна која беснее на тлото на Европа. Дали господинот Ахмети мисли дека некој ќе му дозволи да си игра со стабилноста на Македонија. Јас мислам дека е надвор од разумот и треба да се праша дали живее во имагинација или во реалниот свет“, дециден е Ковачки.
