Данскиот парламент во вторникот го отфрли предлогот за признавање на палестинската држава и го поддржа ставот на владата дека условите за тоа сѐ уште не се исполнети, откако во вторник одлуката за признавање ја донесоа Шпанија, Ирска и Норвешка.
Израел, кој сѐ повеќе изолиран по повеќе од седумте месеци војна во Појасот Газа како што тврди со палестинските милитанти од Хамас, жестоко реагираше на европските потези за признавање на Палестина.
Во Данска предлогот го претставија четири левичарски партии. Пратеникот Саша Факс рече дека нејзината партија Алтернатива верува дека признавањето на палестинската држава е единствениот начин да се постигне траен мир на Блискиот исток.
„Огромното мнозинство дански политичари се согласуваат дека нема да има траен мир на Блискиот исток без решението со две држави“, рече таа во парламентот, алудирајќи на признавањето на Палестина заедно со Израел, додавајќи дека таа верува оти признавањето е начин да им се овозможат правата на обичните Палестинци.
Министерот за надворешни работи Ларс Локе Расмусен претходно изјави дека данската влада не може да признае палестинска држава, бидејќи нема единствена функционална власт или контрола врз сопствената територија. Расмусен не учествуваше на дебатата во вторникот, но рече дека се надева дека Данска еден ден ќе може да ја поддржи палестинската држава.
