Заменик-шефот на политичкото крило на палестинската милитантна група Хамас, Муса Абу Марзук, ќе ја предводи делегацијата што утре ќе ја посети Москва, јавија руски медиуми, повикувајќи се на извор во делегацијата.
Изворот рече дека членот на политбирото на Хамас Муса Абу Марзук и неговата делегација ќе разговараат во руското Министерство за надворешни работи.
Русија одржува врски со сите клучни играчи на Блискиот Исток, вклучувајќи ги Израел, Иран, Либан, палестинските власти и Хамас.
