Демократите ќе ја задржат контролата врз американскиот Сенат откако сенаторката Кетрин Кортез Масто тесно победи на реизборот во сојузната држава Невада, предвиде во саботата Edison Research, што претставува големо олеснување за претседателот Џо Бајден.
Републиканците остануваат блиску до освојување на контролата во Претставничкиот дом на САД, додека гласачките ливчиња од изборите на половината од мандатот во САД одржани во вторник и натаму се пребројуваат.
Според проекцијата на Edison Research, Кортез Масто тесно го победила републиканскиот противкандидат Адам Лаксалт, поранешен јавен обвинител кој беше поддржан од поранешниот претседател Доналд Трамп.
Со нејзината победа, демократите ќе контролираат најмалку 50 места во Сенатот, откако демократскиот сенатор Марк Кели го одбрани своето место во Сенатот во сојузната држава Аризона, како што беше објавено во петокот, а потпретседателката Камала Харис има одлучувачки глас при израмнетите 50-50 мандати.
„Америка покажа дека веруваме во нашата демократија, дека корените на демократијата се длабоки и силни“, рече на прес-конференција лидерот на мнозинството во Сенатот, демократот Чак Шумер.
Сенатот во моментов е поделен со 50-50 меѓу демократите и републиканците. Новоизбраниот Сенат ќе положи заклетва на 3-ти јануари.
Задржувањето на контролата врз Сенатот значи дека демократите сепак ќе можат да ги одобруваат кандидатите на Бајден како федералните судии.
Доколку едно место остане испразнето во следните две години, тоа би значело и назначувања во Врховниот суд, кој сега има конзервативно мнозинство.
Ако демократскиот сенатор Рафаел Ворнок победи на вториот круг од Џорџија на 6-ти декември против републиканскиот противкандидат Хершел Вокер, тоа ќе го зголеми демократското мнозинство на 51-49.
Ова ќе им даде на демократите дополнителна предност во носењето на оние закони кои можат да се носат со просто мнозинство. Повеќето закони во Сенатот бараат 60 гласа.
Исто така, ќе го ослабне влијанието на демократските сенатори Џо Манчин од Западна Вирџинија и Кирстен Синема од Аризона, кои блокираа или одложија некои од главните иницијативи на Бајден, вклучително и проширување на некои програми за социјална помош.
Може да поминат неколку дена или повеќе пред да биде познат исходот од доволно трка во Претставничкиот дом за да се одреди која партија ќе има мнозинство во комората со 435 места. Републиканците сѐ уште се во водство.
Републиканците во Претставничкиот дом, доколку освојат мнозинство, ветија дека ќе се обидат да ги поништат иницијативите на Бајден за климатски промени и сакаат да ги направат трајни даночните намалувања од 2017 година кои истекуваат во овој мандат.
Тие, исто така, планираат истраги за активностите на администрацијата на Бајден и истраги за синот на претседателот, кој имал деловни зделки со Украина и Кина.
Сенатот под контрола на демократите ќе му обезбеди на Бајден потврда за неговите кандидати за пополнување на десетина сојузни судии.
Тоа е особено клучно за демократите доколку се отвори место во Врховниот суд, кој сега има конзервативно мнозинство од 6-3, во последните две години од мандатот на Бајден.
