Автомобилот на скопскиот градонечалник Петре Шилегов и џипот на неговата сопруга биле демолирани вчера пред нивната зграда во населбата Карпош.
Според полицијата, скопјанката Ш.Ј.(49) пријавила дека во периодот од 17 до 22 часот на паркинг пред улицата Хелсинки биле оштетени нејзиниот џип „Ауди Q5“, како и автомобилот „Ауди А5“ , сопственост на Ш.П., нејзин сопруг.
Од увидот е констатирано дека на џипот е извршено е оштетување на предното лево крило, предниот лев фар , предната и задната лева врата и задното крило, а кај автомобилот е оштетено предното лево крило, предната лева врата, задниот лев штоп и задниот гепек.
Оштетувањето сторителот го извршил со употреба на физичка сила и остар предмет и незабележан од некого напуштил лице место. Со оштетувањето причинета е материјална штета која дополнително ке биде утврдена. Се работи на целосно расчистување на случајот, велат од МВР.