Променливо облачно и потопло време не очекува во текот на денешниот ден, а во источните делови со сончеви периоди. Ќе дува слаб до умерен ветер од јужен правец.
Утринската температура ќе се движи од минус шест до два, а дневната од 10 до 22 степена.
Во Скопје променливо облачно и потопло со сончеви периоди и со слаб до умерен ветер од југоисточен правец. Утринската температура ќе се спушти до минус два, а дневната ќе се искачи до 13 степени.
Утре дожд, на планините снег
Во среда попладне под влијание на влажен бран од Медитеранот ќе има врнежи од дожд кои ќе бидат позастапени во западните делови од земјава каде на планините ќе има и врнежи од снег. Ќе дува засилен ветер од јужен правец кој на моменти ќе достигнува брзина и над 70 километри на час.
Преодно стабилизирање се очекува во четврток, а од петок ќе преовладува променливо облачно време со повремен локален дожд и умерен јужен ветер.
