Десетгодишно дете се бори за живот по страшната сообраќајна несреќа во Гостивар, кога комбе кое превезуваше ученици падна во провалија. Како што пишува Дневник состојбата на детето сеуште е критична.
Таткото на девојчето за Дневник кратко изјавил дека сега останува само да се молат за неговата ќеркичка. Детето е на апарати за дишење и е во неконтактибилна состојба.
Инаку, според неговите зборови, комбето кобниот ден се вратило наназад за да се размине со автомобил од другата лента, и така паднало во провалија.
За потсетување, со комбето управуваше 47-годишниот К.М. а несреќата се случи во 12 часот и 30 минути. Во несреќата настрадале десет деца и две возрасни лица.
Докторите се борат за животот на малото девојче.
