Во ДОМ на АРМ утре од 19:30 часот, како и на 13.5.2014 година во црквата „Св. Пророк Еремија“ во населбата Пинтија, Општина Кисела Вода со почеток во 19:00 часот, КУД „Никола Јонков Вапцаров“ традиционално ќе го одржи десеттиот по ред детски фолклорен фестивал „Цветови“.
Покрај фолклорните ансамбли од Скопје и КУД „Никола Јонков Вапцаров“, на фестивалот ќе настапат и КУД „Пријепоље“ од Србија, КУД „Џеновичи“ од Црна Гора, КУД „Бисер“ од Кичево, КУД „Бучим“ од Радовиш и КУД „Кочани“.
Инаку, КУД „Никола Ј. Вапцаров“ ќе се вклучи на манифестацијата најголемото оро во светот за во Гинисови рекорди, каде што ќе учествува со 250 игроорци.
