Девојка е повредена во сообраќајна несреќа која синоќа се случила на регионалниот пат Штип-Карбинци.
Од МВР информираат дека несреќата се случила во с.Стар Караорман кога патничко моторно возило „Опел Астра“ со штипски регистерски таблици управувано од К.Д. (23) од с.Стар Караорман излеталo надвор од коловозот и удрилo во дрво, а потоа во бетонска ограда и се превртелo.
По незгодата К.Д. со возило на Итна медицинска помош со повреди била пренесена во Клиничката болница во Штип, информираат од МВР.
Увид на местото на настанот извршила увидна екипа од СВР-Штип и се работи на целосно расчистување на случајот.