На Кристијано Роналдо никогаш не му недостасувала самодоверба. Впрочем, тој е еден од најдобрите играчи во историјата на фудбалот. Сепак, Португалецот неодамна изјави дека верува дека е најдобар досега.
Роналдо истакна дека не е важно дали ќе постигне 1.000 голови во кариерата или не бидејќи сигурно ќе остане најдобар досега. Ова секако предизвика бројни реакции, а свое мислење даде и Анхел Ди Марија кој играше и со Роналдо и со Лионел Меси.
-Отсекогаш било така. Секогаш ги даваше тие изјави, секогаш се трудеше да биде најдобар, но за жал, се роди во погрешно време, во навистина лош момент, бидејќи во исто време се роди уште еден кој го допрел волшебно стапче, изјави Ди Марија и продолжи: „Едниот има осум „Златни топки“, другиот пет, тоа е голема разлика. Да се биде светски шампион е уште една голема разлика, имајќи два трофеи на Копа Америка… Има многу разлики меѓу нив двајца, многу“.
Ди Марија конечно ја заврши приказната со ставот дека Лионел Меси е најдобриот играч во историјата според него.
-За мене Лео е најдобар во светот и најдобар во историјата, без сомнение, истакна Ди Марија.
