Регулаторната комисија за енергетика и водни услуги донесе Одлука со која се врши намалување на малопродажните цени на нафтените деривати во просек за 1,00% во однос на одлуката од 19.09.2022 година. Малопродажната цена на ЕУРОДИЗЕЛ (Д-Е V) се намалува за 2,00 ден/лит.
Малопродажната цена на Екстра лесното масло за домаќинство на (ЕЛ-1) се намалува за 2,50 ден/лит и сега ќе изнесува 86,50 ден/лит. Цените на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС во малопродажба, не се менуваат.
Според тоа, од 22.9.2022 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 84,50 (денари/литар)
Моторен бензин ЕУРОСУПЕР БС – 98 87,00 (денари/литар)
Дизел гориво ЕУРОДИЗЕЛ БС (Д-Е V) 90,00 (денари/литар)
Масло за горење Екстра лесно 1 (ЕЛ-1) 86,00 (денари/литар)
Мазут М-1 НС 50,391 (денари/килограм)
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,552%, кај дизелот за 4,177%, кај екстра лесното масло за 4,421% и кај мазутот намалување е за 1,503%. Курсот на денарот во однос на доларот во изминатиот период, според кој беа формирани цените со претходната пресметка, е повисок за 0,519%.
