ДКСК да не чека и да отвори случај за хациендата на Славјанка Петровска, нека почне со прашањето зошто сметките за струја и вода се на татко и, се вели во партиското соопштение на владејачката ВМРО-ДПМНЕ.
-Во 2019 година, цели 10.000 евра изнесуваат неплатените сметки на таткото на Петровска за струја, ако таа не е нејзина, тогаш зошто не се обратила до ЕВН долгот да не се тарифира на татко и? Или пак Петровска е толку дарежлива што прифаќа долг од други лица, и тоа ни повеќе ни помалку туку од 10.000 евра. Хациендата на Петровска не само што не е пријавена и таа ја крие, туку е и дивоградба. Ако Петровска тврди дека ја продала хациендата, а не ја засолнила на туѓо име, тогаш нека каже каде се парите од купопродажбата и зошто не се наведени во нејзиниот анкетен лист. Според катастарските снимки јасно се гледа дека во моментот кога Петровска тврди дека го продала земјиштето, таму постоела хациендата. Значи не може да станува збор за продажба на земјиште, туку најмалку на целата хациенда, а ако тоа е така и ако не е само фиктивно префрлена сопственоста нека ги покаже парите од трансакцијата и дали ги пријавила, истакнуваат од ВМРО-ДПМНЕ.
Што и да каже Петровска не може да се вади, фатена е во дубиози и одговорност мора да има, додават од владејачката партија
