Претседателот на Република Српска, Милорад Додик, во неделата повика на обединување на спрскиот ентитет во Босна и Херцеговина со Србија, тврдејќи дека за тоа има плебисцитна поддршка од Србите од двете страни на Дрина и дека таквите планови се поддржани од променетите околности во светот.
Додик ова го рече во говорот одржан во академијата во Бања Лука по повод 9-ти јануари, кој во Република Српска се одбележува како ден на ентитетите и покрај одлуките на Уставниот суд на Босна и Херцеговина, кој го оцени како неуставен бидејќи наводно потсетувајќи на тој датум од 1992 година ги дискриминирал Хрватите и Бошњаците затоа што тогаш започнал нивен масовен прогон од територијата што ѝ беше доделена на Република Спрска со Дејтонскиот договор, чик покровител беа САД.
„Ние, кои бевме избрани од народот, мора да го искористиме ова време за обединување на српскиот народ“, рече Додик додавајќи дека дојде време кога е можно да се размислува за сите Срби кои живеат во една држава, бидејќи односот на силите во светот се променил и повеќе не постои.ограничувања кои досега го спречуваа.
Самата академија беше исполнета со пораки во кои се нагласува дека во текот на историјата, православните Срби биле изложени на напади од непријателски надворешни сили на кои потоа им помагале „преобратените“ и „исламизираните“ Срби.
Во програмата Хрватите беа прогласени за „преобратени Срби“, а првиот хрватски претседател Фрањо Туѓман беше квалификуван за наследник на Анте Павелиќ, челникот на Независната држава Хрватска сојузник на нацистичка Германија во Втората светска војна.
Во својот говор, Додик рече дека жали што „голема“ Србија не била создадена уште во 1918 година, опишувајќи ги двете Југославии како големи антисрпски измами.
Според него, затоа целосно бил оправдан обидот на српските политичари од почетокот на 1992 година да ја формираат Република Српска како независна држава на територијата на Босна и Херцеговина. Експлицитно не спомна ниту едно име, но рече дека се гордее со генерацијата политичари што ја создале Република Српска и поради тоа се согласија да бидат маченици кои сега „лежат во казамати“.
„Ние сакаме своја сржава“, рече Додик, додавајќи дека Република Српска е формирана на 9-ти јануари 1992 година „токму за да биде независна земја и дека тоа не се случи само поради Дејтонскиот договор“.
Владимир Орлиќ, претседателот на српскиот парламент кој ја предводеше српската делегација на академијата во Бања Лука, рече дека формирањето на Република Српска спречило целосно уништување на босанските Срби, тврдејќи дека тоа е сценарио планирано како продолжение на Втората светска војна.
Орлиќ зборуваше за формирањето на Република Српска во множина, сугерирајќи дека во него учествувала и Србија и затоа денес, како што рече, има обврска да ја заштити и брани таа творба. Рече и дека Србија е лидер во регионот и како таква има сила да се заштити себеси и своите, па како што рече, Србите повеќе никој нема да може да ги понижува.
Властите на Република Српска го најавија централното одбележување на 9-ти јануари за понеделник во Источно Сараево, каде планираат да одржат парада со повеќе од две илјади учесници, меѓу кои и стотици вооружени припадници на полициските сили.
