И мажите и жените на работа чувствуваат помалку стрес отколку дома, а ефектот е поизразен кај припадничките на понежниот пол кои работат повеќе домашни работи.
Домот често се нарекува оаза и засолниште од стрес, меѓутоа нова студија на американскиот Пен Стејт Универзитет утврдила дека за повеќето луѓе дома им е постресно отколку на работа.
Во студијата научниците ги мереле нивоата на хормонот за стрес кортизол во крвта на испитаниците од машки и женски пол од сите социјални слоеви па откриле дека по правило луѓето имаат значително пониско ниво на стрес на работа отколку дома.
Мерењата била правени во работни денови и за време на викенди, а потоа испитаниците пополнувале прашалник за тоа како се чувствуваат.
Иако и мажите се под помал стрес на работа, научниците заклучиле дека тој ефект е многу посилен кај жените, бидејќи работа за многу од нив претставува одмор од домашните обврски.
„Иако мажите дома денес работат многу повеќе од порано, жените и понатаму ја преземаат поголемата работа, а самото размислување за тоа предизвикува стрес“, вели Сара Дамаске, која го водела ова истражување.
