Екипата на Далас Маверикс излезе како победник од најинтересниот меч кој рано утрово се одигра во НБА лигата. Клубот од Тексас по една драма која донесе и дополнителни минути го доби Бруклин Нетс со 129-125.
Средбата во Њујорк донесе многу возбудувања, меч во кој се истакнаа најголемите ѕвезди во двете екипи, ама на крајот Лука Дончиќ беше тој што се најде во фокусот, а причината за тоа е секако победата на неговиот тим, но и партијата од 41 поен, 11 скокови и 14 асистенции.
Ова за него беше 47. трипл-дабл со што воедно стана десетти играч во историјата на НБА лигата што имал најмалку три натпревари со ваков учинок од +40 поени. Негова најголема поддршна беше Хардавеј Џуниор со 18 поени, додека кај поразените Ирвинг уфрли 39, а Дурент 37 кошеви.
With his triple-double tonight, Luka Doncic (41 PTS, 11 REB, 14 AST) has become the 10th player in NBA history to record at least 3 career 40+ point triple-doubles. pic.twitter.com/nWILtHsg7d
— NBA History (@NBAHistory) October 28, 2022
Воедно ова беше дуел кој го одбележа еден инцидент во продолжението кога од трибините летна чаша која беше наменета за Дончиќ. За среќа Словенецот не беше погоден, меѓутоа ова е недопустливо за НБА и сигурно тој што ова го направи ќе биде пронајден и санкциониран.
FAN THROWS A CUP AT LUKA 😳 pic.twitter.com/GOM14TNnh7
— Bleacher Report (@BleacherReport) October 28, 2022
Далас има учинок од два победи и два порази, Нетси пак имаат четири порази во досегашите пет натпревари.
РЕЗУЛТАТИ:
Нетс – Маверикс 125:129 (прод.)
Тандер – Клиперс 118:110
Вориорс – Хит 123:110
Кингс – Гризлис 110:125
