Донесена одлуката за донација на хеликоптери на Украина

Владата на денешната седница донесе одлука за донација на хеликоптери на Министерството за одбрана на Украина и утврди текст на Протокол за таа намена.
Владината прес-служба вечерва соопшти дека Владата ја разгледала и усвоила Информацијата за потреба од склучување Протокол за донација на воздухоплови (хеликоптери) помеѓу Министерството за одбрана на Република Северна Македонија и Министерството за одбрана на Украина и донела Одлука за донација на воздухоплови (хеликоптери) на МО на Украина.
-Владата на Република Северна Македонија го разгледа и прифати усогласениот текст на Протоколот за донација на воздухоплови помеѓу Министерството за одбрана на Република Северна Македонија и Министерството за одбрана на Украина, стои во соопштението.