Рејтингот на германскиот канцелар Олаф Шолц паднал за 24 процентни поени во текот на минатата година, на 33 отсто, според истражувањето на јавното мнение Trendbarometer за германските телевизиски канали RTL и N-tv.
Според оваа анкетата покрај големиот пад на рејтингот на канцеларот, значително за 22 процентни поени се намалила и довербата на Германците во сојузната влада.
Исто така, и показателот за Бундестагот (парламентот) се намалил за 13 процентни поени, до 37 отсто, како и за 12 процентни поени е намалена довербата во германскиот претседател Франк-Валтер Штајнамер кој во моментов ужива доверба од 63 отсто од сонародниците.
На преминот од 2022 во 2023 година, довербата во владите на сојузните покраина и тамошните парламенти, како и во градските и општинските администрации се намалила за 9 процентни поени, за секоја од овие институции.
Нешто помал пад на довербата е забележан во однос на Европската унија и политичките партии, чиј рејтинг е намален за по 7 процентни поени.
Истражувањето го спровел институтот за истражувања на пазарот и јавното мнение Forsa по нарачка на RTL во периодот од 15-ти до 22-ри декември 2022 година, а со него биле опфатени 4.003 испитаници.
