Дрин Ахмети, внукот на лидерот на ДУИ, Али Ахмети тврди дека пиротехниката која беше најдена во багажникот на неговиот џип била купена легално.
-Во овој момент, нема да коментирам детали бидејќи во тек е истрага и постапка, а мојот правен тим работи на тоа. Можам да го кажам само ова, пиротехниката беше купена легално, а сите други подароци во автомобилот беа за моите внуки и внуци, изјави Ахмети во изјава за порталот „Скопје 1“.
Од Обвинителството пак денеска велат дека сѐ уште се вештачи запленетата пиротехника а јавниот обвинител ќе одлучува за натамошниот тек на постапката.
Тој на 30 декември беше приведен во полициска станица откако полицајци го сопреле неговото возило и во него нашле 749 парчиња пиротехнички средства.
