Некој гради кариера во банка, некој на Универзитет, некој во партија, некој во Горно Седларце, друг во Брисел, трет во Пржино. Токму така, Радмила Шеќеринска, актуелна заменичка-претседател на СДСМ која својата кариера ја изгради по амбасади, на грбот на СДСМ, на граѓаните и на паричникот на Бобо е – кариеристиката на Пржино, пишува „Вечер“.
Весникот пишува дека заменик –претседателот на СДСМ, Радмила Шекеринска е позната по љубовта кон луксузот, скапата облека, чанти и чевли. Веројатно тоа е единственото нешто од кое нема да се откаже во живот.
Како заменик-премиер во владата на Владо Бучковски, познати се нејзините скапи комбинации на марами, чанти и чевли, најчесто од марката Гучи и Прада со кои гордо парадираше низ Владата, низ Собранието, но и во Брисел, пишува „Вечер“.
Дури и на партиски состаноци низ Македонија, кога е во длабока опозиција од 10 години, таа се шеташе со скап астраган капут, вреден најмалку 1.000 евра.
Својот моден врв како прва дама на опозицијата Рада го доживеа викендов во Пржино, каде се појави во исклучително скап капут од кашмир од брендот МаксМара кој по официјалниот ценовник, на распродажба чини фантастични 995 фунти! Или купен е за 67.500 денари, пишува Вечер.
Нејзината чанта е од брендот Прада (така барем вели Гугл, иако ние мака мачевме да утврдиме дали е Прада или Хермес So Kelly), а најевтината варијанта чини илјадници долари до неколку десетици илјади долари, објави весникот.
