Тимот на Оклахома Сити, повторно благодарение на својот најдобар играч Кевин Дурант, врза уште една победа во НБА лига, овој пат над сакраменто со 94:81. Со ова победа Дурант, остана во трка за соборување на рекордот на Мајкл Џордан. Тој има постигнато над 25 поени на 37 едноподруго натпревари до сега, три м помалку од рекордот на Џордан постигнат во сезоната 1986/87. Кевин во триумфот над Сакраменто постигна 29 поени, а Расел Вестбрук запиша 18 поени.
Леброн Џејмс, пак, забележа трипл-дабл, 17 поени, 10 скока и 12 асистенции, во триумфот на Мајами на гостувањето против Детроит со 110:78. Крис Бош имаше 15 поени, а шест кошаркари на Мајами имаа двоцифрен ефект.
Резултти: Орландо – Шарлот 110:105(пр), Торонто – Бостон 105:103, Вашингтон – Индијана 91:87, Бруклин – Кливленд 108:97, Детроит – Мајами 78:110, Чикаго – Портланд 74:91, Минесота – ЛА Лејкерс 143:107, Њу Орлеанс – Јута 102:95, Оклахома – Сакраменто 94:81, Денвер – Сан Антонио 102:133, Феникс – Њујорк 112:88, Голден Стејт – Мемфис 100:93
