Двајца планинари загинаа во петокот откако паднаа во длабочина од повеќе од илјада метри на швајцарски Матерхорн, соопшти полицијата.
Двајцата мажи, чија националност сè уште не е објавена, тргнале рано во петокот од засолништето над Зермат за да се искачат на Матерхорн, соопшти полицијата.
Бидејќи не се вратиле на местото на поаѓање како што предвидувале, службите биле алармирани и забележале две тела на северната страна на масивот.
„Од причини кои истрагата ќе се обиде да ги утврди, двајцата алпинисти очигледно паднале повеќе од илјада метри. Во тек е формална идентификација“, соопшти полицијата.
Лоциран во близина на границата со Италија, Матерхорн е еден од најпознатите врвови во Швајцарија. Висок е 4.478 метри, а првпат е искачен во 1865 година.
