Основното јавно обвинителство покренува постапка против 20 лица за криумчарење луксузни возила, а пет од оние за кои е покрената истражната постапка се вработени во Министерството за внатрешни работи.
„Основно јавно обвинителство Скопје отвори истражна постапка за кривично дело Криумчарење, Прикривање на стоки кои се предмет на криумчарење и царинска измама, Компјутерски фалсификат и Фалсификување исправи, но и прикривање на предмети поврзани со криумчарње и дури и злоупореба на лични податоци“, извести јавниот обвинител Наташа Сарамандова.
Сарамандова појасни дека отворена е истражна постапка за осум лица, но кривичната пријава е за 21 лице, дваесет физички лица и едно правно лице. Се работи за криумчарње на екслузивни луксузни возила чија вредност поеднинечно се движела од 500 до 600 илјади евра.
„Овие автомобиле биле предмет на кривично дело во други европски држави и предмет на меѓународна потрага, кои се внесувани со криумчарење, а потоа се вадени документи, фалсификување на службена исправа, фалсификување на исправи, со цел нивно легализирање. Потоа се преминува на прикривање на кривичното дело со препродавање од едно на друго лице по многу пониска цена, се дури не се прикријат трагите, за на крај да се препродатат на лице по вистински проценетата вредност“, појасни Сарамандова.
Тие 15 возила, 14 автомобили и еден мотоцикл, биле предмет на кривично дело во други европски држави и предмет на меѓународна потрага и потоа се внесувани со криумчарење, а се прават и фалсификати на исправи за нивно легализирање.
Делото се прикривало така што се продаваат неколку пати за пониска цена се додека не се најде вистински купец и се продаде по реална цена – истакна обвинителката Наташа Сарамандова.
Од тие 20 физички лица, за двајца се водела постапка. Пет лица се службени лица вработени во МВР во одделот за управни работи, останатите се физички лица кои веќе имале начин на инкриминирање на овие дејства, а едно е правно лице.
„Во моментов се уапсени 18 лица, две се во бегство. Против осум лица ќе се поднесат предлози за мерка притвор, од кои 6 се веќе обезбедени, а другите двајца се во бегство. За останатите ќе бидеат предложени мерки за претпазливост“, додаде Сарамандова.
