Економијата на еврозоната благо забрзала во третиот квартал, со највисока стапка на раст во последните две години, покажаа во средата објавените прелиминарни пресметки на европската статистичка служба Eurostat.
Економијата на еврозоната пораснала во третиот квартал, според сезонски прилагодените податоци, за 0,4 отсто во однос на претходните три месеци кога беше зголемена за 0,2 отсто, пресметале во Eurostat.
На ниво на Европската унија, активноста е зголемена за 0,3 отсто, исто колку и во периодот од април до јуни.
Стапката на раст во еврозоната е највисока од третиот квартал на 2022 година, кога активноста се зголеми за 0,6 отсто.
Прелиминарната проценка на бруто домашниот производ (БДП) се заснова на податоци од 18 земји-членки и „покрива“ 95 отсто од БДП-то на еврозоната и 94 отсто од БДП-то на ЕУ, според Eurostat. Извештајот, сепак, содржи податоци за само 13 земји-членки, меѓу кои Шпанија, Германија, Франција, Италија, Чешка, Латвија, Литванија, Австрија, Белгија, Шведска, Португалија, Ирска и Унгарија.
Скок во Ирска
Ирската економија најсилно пораснала во периодот од јули до септември, за 2 отсто во однос на вториот квартал. Следат Литванија и Шпанија со раст на активноста од 1,1 и 0,8 отсто, соодветно.
Италијанската економија стагнирала
Најслаб раст е забележан во Белгија, Германија и Португалија од 0,2 отсто.
Најголем пад на активноста на квартално ниво, пак, забележала Унгарија од 0,7 отсто. Следуваат Летонија и Шведска, каде е намален за 0,4, односно 0,1 отсто.
Блиску до „единица“
На годишно ниво, економијата на еврозоната и на ЕУ пораснале во третиот квартал за по 0,9 отсто, пресметаа статистичарите, најсилниот од почетокот на минатата година.
Во вториот квартал активноста во зоната на примена на заедничката европска валута е зголемена за 0,6 отсто, а во ЕУ за 0,8 отсто.
Според податоците со кои моментално располага Eurostat, шест земји летово забележале пад на активноста на годишна основа, две повеќе отколку во пролетниот квартал.
Шпанија во водство
Убедливо, шпанската економија пораснала најсилно во третиот квартал на годишна основа, за 3,4 отсто. Следат Литванија и Португалија со стапки на раст од 2,3 и 1,9 отсто, соодветно.
Во групата на „големите“, Франција забележала раст на активноста од 1,3 отсто, а Италија само 0,4 отсто. Германија, пак, е во минус од 0,2 отсто.
Најголем пад на активноста на ниво на ЕУ забележа Латвија, за 1,4 отсто. Следува Унгарија, каде бележи пад од 0,7 отсто, покажуваат податоците на Eurostat.
