Во изјава објавена од Канцеларијата на Високиот комесаријат за човекови права на Обединетите нации, Пола Гавирија Бетанкур го обвинува Израел дека има за цел „трајно да го промени составот на населението во Газа со постојано зголемување на наредбите за евакуација, заедно со широките и систематски напади против цивили и цивилна инфраструктура во јужна Газа“.
Бетанкур рече дека Израел ги прекршил своите безбедносни ветувања во јужниот дел на Појасот Газа барајќи од Палестинците во северниот дел на Појасот Газа да се засолнат таму.
„Луѓето повторно беа насилно раселувани. Од 7 октомври 85 отсто од жителите на Газа се раселени од своите домови“, се вели во соопштението. „Единствениот логичен заклучок е дека израелската воена операција во Газа има за цел масовно да го протера мнозинството од цивилното население“, тврди таа.
Портпаролот на израелската влада Ејлон Леви одговори на „Х“ велејќи дека секторот Ал Муаси бил означен како хуманитарна зона уште пред копнената офанзива.
Since before the ground offensive, Israel has designated the Al-Muwasi area as a humanitarian zone and urged Gazan civilians to evacuate there temporarily for their safety. We want civilians to be protected in areas where Hamas is not already using them as human shields.
It is… https://t.co/aGO79XAkbE
— Eylon Levy (@EylonALevy) December 26, 2023
Тој, исто така, го критикуваше отсуството на осуда од ОН за ракетните напади врз Израел од страна на Хамас од истите овие хуманитарни зони.
„Цивилите мора да бидат заштитени од Хамас“, продолжи тој. „Иронично, единствените кои го охрабруваат масовното раселување на жителите на Газа се оние кои лажно ги етикетираат повеќето од нив како „бегалци“ и ги поттикнуваат да се населат во Израел преку насилство, наместо да живеат во мир покрај нас“, заклучи тој.
