Пакетите што експлодираа во логистичките магацини ширум Европа беа проба за „руски заговор“ за активирање на товарни летови за Соединетите држави, соопштија безбедносните власти пишува Reuters.
Западните влади и разузнавачките служби во Европа претходно ја посочија Москва како наводен извор на серија пожари и саботажи низ Европа, чија цел е дестабилизација на сојузникот на Украина, иако притоа не понудија никаков доказ или индиции.
Сепак, експлозиите во логистичките магацини во Велика Британија, Германија и Полска овој јули, за кои советникот на литванскиот претседател рече дека се „дело на Русија“, може да доведат до сериозна ескалација со експлозија во авионот.
„Можам да кажам дека ова е дел од неконвенционалните кинетички акции против земјите-членки на НАТО преземени од руското воено разузнавање“, тврдеше во вторникот за Reuters Кестутис Будрис, советник за национална безбедност на литванскиот претседател Гитанас Наузеда.
„Нагласуваме дека овие операции ескалираат: нивниот фокус е префрлен на оштетување на инфраструктурата и дејствија што би можеле да убијат некого“, додал Будрис.
Руската влада сè уште не одговорила на барањето на Reuters за коментар.
Американскиот весник The Wall Street Journal во понеделникот цитираше западни безбедносни претставници дека уредите што експлодираа во магацините на логистичката компанија DHL во Бирмингем, централна Англија и Лајпциг, Германија, наводно биле дел од руската операција за предизвикување пожари на товарни или патнички летови за Северна Америка.
Истрага за експлодирачките пакети
Полска во октомври соопшти дека привела четири лица во истрага за експлодирани пакети испратени од DHL до земјите-членки на Европската унија и Велика Британија, како дел од заговорот за испраќање такви пакети во САД и Канада.
Варшава ги обвини странските разузнавачки служби, но конкретно не ја спомена Русија.
Полскиот весник Gazeta Wyborcza во октомври објави дека пакет предизвикал пожар во камион на локација на логистичка компанија во близина на Варшава, а пакетите кои експлодирале во Полска, Германија и Велика Британија биле испратени од Литванија.
Литванската јавна обвинителка Нида Грунскиене изјави за новинарите дека Вилнус ги истражува пакетите и дека апсењата биле извршени во „Литванија и на други места“.
„Нашата истрага е во тек и доста интензивна, во соработка со институции во други земји. И во моментов имаме уапсени луѓе, но нема да кажам колку за да не и наштетам на истрагата“, рече Грунскиене.
Американското Федерално биро за истраги (FBI) одбило да коментир на барање на Reuters. Британското Министерство за внатрешни работи, одговорно за домашната безбедност, исто така, одбило да коментира.
Шефот на британската безбедносна служба MI5, Кен МекКалум, во октомври изјави дека руската воена разузнавачка служба ГРУ „се обидува да предизвика хаос низ Велика Британија и Европа“.
Во октомври, Полска соопшти дека ќе го затвори рускиот конзулат во западниот град Познан поради сомнителни обиди за руска саботажа, но не е познато дали тој чин е поврзан со оваа ситуација.
