Производните цени во европската индустрија силно пораснаа во ноември, како одраз на острото зголемување на цените на енергијата, покажа во средата извештајот на Европскиот завод за статистика.
На месечно ниво, продажните цени на производителите на индустриски производи во еврозоната во ноември пораснале за 1,6 отсто, а во ЕУ за 1,7 отсто, пресметале статистичарите. Во октомври тие пораснале за само 0,4 отсто во двете области.
Цените во енергетскиот сектор најсилно пораснаа и во еврозоната и во ЕУ, за 5,4 отсто. Во претходниот месец тие се зголемени за 1,6 отсто во зоната на примена на заедничката европска валута и за 1,1 отсто на ниво на Унијата.
Во останатите сектори тие се задржаа горе-долу на октомвриското ниво.
Кога е исклучен енергетскиот сектор, цените на производителите на индустриски производи во еврозоната се непроменети во однос на октомври, додека во ЕУ се зголемени за само 0,1 отсто, утврдилe во Eurostat каде не ги добиле податоците за Романија.
Продажните цени на производителите на индустриски производи најмногу пораснале во ноември во Бугарија и Ирска за 4,9, односно 4,5 отсто. По нив следува Шведска со ценовен скок од 4,2 отсто.
Продажните цени на производителите на индустриски производи најмногу паднаа на месечна основа во Естонија и Кипар, за 1,4 отсто. Следуваат Словачка и Луксембург, каде што се намалуваат за 0,5, односно 0,4 отсто.
На годишно ниво, продажните цени на производителите на индустриски производи паднале и во ноември, и тоа за 1,2 отсто во еврозоната и за 1,1 отсто во ЕУ, покажуваат пресметките на Европскиот завод за статистика.
Тие во октомври се намалени за 3,3 отсто во зоната на примена на заедничката европска валута и за 3,1 отсто на ниво на Унијата, покажуваат ревидираните податоци.
Убедливо најголем пад е забележан во енергетскиот сектор, за 5,3 отсто во еврозоната и за 4,8 отсто во ЕУ, но половина помалку од октомври.
Нетрајните производи за широка потрошувачка најмногу поскапеле и во еврозоната и во ЕУ, и тоа за 1,9 отсто.
По него следи секторот на капитални добра, со раст на производните цени за 1,3 отсто во еврозоната и за 1,5 отсто во ЕУ.
Без енергетскиот сектор, цените на производителите на индустриски производи во двете области се зголемени за 0,9 отсто во споредба со истиот месец од 2023 година.
Производните цени на индустриските производи во Словачка паднале убедливо најмногу во ноември на годишна основа, за 18,4 отсто. Следуваат Луксембург и Франција, со пад на цените за 6,6, односно 5,2 отсто.
Во групата со пад на продажните цени на индустриските производи во ноември е и Хрватска за 5,1 отсто во однос на истиот месец од претходната година. Во октомври тие се намалени за 4,8 отсто. Блиску е и Летонија, каде што се намалени за 5,0 отсто.
Продажните цени на производителите на индустриски производи во Ирска пораснале најмногу во ноември на годишна основа, за 5,4 отсто. Следуваат Данска и Унгарија, каде пораснале за 3,2 отсто, покажуваат податоците на Евростат.
