Скандинавските селекции на Данска, Шведска и Норвешка со убедливи победи во четвртокот го отворија Европското првенство во ракомет во Германија.
Актуелните светски шампиони Данците во 1-то коло од групата Ф во Минхен ја совладаа Чешка со 23:14. Чесите одиграа одлично прво полувреме кое заврши 9:9, но во продолжението не можеа да му парираат на еден од најголемите фаворити на ЕП. Втото полувреме Данците го добија со девет, а примија само пет гола.
Микел Хансен со пет гола и Симон Питлик со четири гола беа најефикасни кај победничкиот тим, додека кај Чесите Војтех Пацел со четири погодоци.
Во првиот натпревар од оваа група Португалија беше подобра од Грција со 31:24. Португалија ја предводеше Франциско Коста со шест гола, а кај Грција со по пет гола предничеа Харалампос Маљос, Саввас Саввас и Христос Кедерис.
Норвешка немаше премногу проблеми против ослабената Полска во 1. коло од групата Д, победувајќи со 32:21. Норвежаните веќе имаа пет гола разлика на полувремето, а во останатото само си ја завршија работата. Сандер Сагосен постигна шест, а Магнус Род пет гола за норвешката селекција, додека Шимон Сицко ја предводеше Полска со пет гола.
Во вториот натпревар од оваа група Словенија ги победи Фарски Острови со 32:29. По изедначеното прво полувреме кое заврши 13:13, Словенија одигра многу подобро во остатокот од натпреварот и победи. Словенија до победата ја предводеа Алекс Влах со осум гола и Миха Зарабец со седум гола, додека на спротивната страна најефикасни беа Елиас Елефсен и Скипаготу со девет и Хакун Вест Теигум со осум гола.
Во натпреварот од групата Е, Шведска во Манхајм ја победи Босна и Херцеговина со 29:20. Швеѓаните веќе по првото полувреме имаа убедливи 14:7. Кај победничкиот тим најефикасен беше Хампус Ване со девет гола, додека БиХ предводена од Ирфан Смајлагиќ ја предводеше Адин Фаљиќ со четири гола.
Во вториот натпревар од оваа група Холандија ја совлада Грузија со 34:29. Дани Баијенс и Рутгер тен Валде со по шест гола беа најефикасни во редовите на Холандија, додека Грузија ја предводеше Георге Цхоребадзе со девет гола.
