Турскиот претседател Реџеп Таип Ердоган потврди дека се договорил со рускиот претседател Владимир Путин да произведува брашно од руска пченица во Турција и бесплатно да го испрати во најнеразвиените земји со цел да се ублажи глобалната криза со храна, објави денеска телевизијата Хабертурк.
Минатата недела договорот со кој и се дозволува на Украина да ги извезува своите земјоделски производи од пристаништата на Црното Море беше продолжен за четири месеци, иако Русија предупреди дека нејзините барања сè уште не се целосно исполнети, објави Ројтерс.
Ердоган зборуваше за договорот што го постигна со Путин при неговото враќање од Катар, пренесува Танјуг.
